2025eko martxotik maiatz amaierara bitartean, Miguel Altunako 21 ikaslek aukera izan dute beraien lan praktikak Europako herrialde desberdinetan burutzeko Erasmus+ programaren bidez. Portugal, Italia eta Txekiar Errepublikan egon dira, bakoitza bere zikloko ikasketa-esparruarekin lotutako enpresetan.
Esperientzia aberasgarria izan da arlo profesionalean zein pertsonalean: Ikasleek lan-munduan jarduteko gaitasunak landu dituzte, eta kultura berriak ezagutzeaz gain, autonomia, komunikazio gaitasuna eta beste hizkuntza batzuetan moldatzeko trebetasuna garatu dute.
Miguel Altuna LHII-n nazioarteko mugikortasuna sustatzen jarraituko dugu, gure ikasleen prestakuntza aberastu eta etorkizun profesionalari ikuspegi zabalago bat eskaintzeko helburuarekin.
