Agirrebidea, 2 · 20570 BERGARA  (Gipuzkoa) · Tel.: 943 899 270
ikaslan-gipuzkoa-logo migual-altuna-logo-fp
miguel-altuna-balio-erantsia-grafikoa-eus

Balio erantsia

ADIMEN LEHIAKORRA

Ikerketa eta Berrikuntza aplikatua Euskadiko lanbide-heziketaren ardatz antolatzaile bihurtzea, ikaskuntza-ingurune eta prozesu berrietan aurrera egitea, eta gaitasunen hutsunea murriztea ideia edo teknologia bat sortzen denetik gizarteak haren onura jasotzen duen arte.

Zaintzaren eta adimen lehiakorraren bitartez egiten da hori, balio erantsi handia duten produktu eta zerbitzu berritzaileak diseinatuz, hedatuz eta Lanbide Heziketako ikastetxeetara transferentzia eginez, eta haietatik enpresa-esparrura transferentzia ahalbidetuz; elkarlanerako eta aliantzak ezartzeko prest dagoen dinamika baten bitartez, lan-sareen sorrera bultzatuz eta talde-lana, sormena eta iraunkortasuna sustatuz.

"DUALean urtez urte parte hartzen ari diren ikasle eta enpresen kopurua nabarmen handitzen ari da."

SKILLS

Lanbide Heziketako Olinpiadak skills izenez ezagutzen dira, eta zenbait esparrutan jokatzen den lehiaketa da.

Lehiaketak trebakuntza sustatzen du hainbat arlotan (gaitasunak; ingelesez, skills). Lanbide Heziketako informazio-tresna baliotsua da, ikasleen, irakasleen eta enpresen sustapenerako bideak sustatzen dituena, baita profesionalak, kalitatea eta berrikuntza zenbait ekoizpen-sektoretan trukatzeko plataforma eta estandarren bilakaera eztabaidarako foroa ere…

Miguel Altunak parte hartu du mekatronika-alorrean, eta zenbait domina lortu ditu.

ERASMUS +

Erasmus+  Europar programa barruan eta lanbide heziketari dagokionez, lan praktikak kudeatzeko erabiltzen da lan-tresna da.  Europatik zuzenean  diru laguntzak eskaintzen dira beka modura. Miguel Altuna LH tik badira jada urte batzuk kudeaketa propioa egiten dugula.  Urtero gure proiektu propioa aurkezten dugu eta honen bitartez ahalbideratzen dira hainbat ikasleen praktikak Europako herrialde ezberdinetan.

Hiru hilabeteko praktikaldiak burutzen dituzte ikasleek beraien formazioari lotutako enpresetan.  Lan praktikak egitetik at, beste herrialdeetako ikasleekin ere harreman estua izaten da eta orokorrean esperientzia ahaztezina gauzatzen dute.

Ez da ahaztu behar  alderdi ludikoa ere, oso garrantzitsua da kanpora joaten den ikaslearen pertsonalitatea aberasteko.

ERASMUS+ (gazteleraz).

ERASMUS + (programme).

EUSKAL NORMALIZAZIO PLANA

Azken urteotan, euskararen didaktikan, irakasleen hizkuntza-prestakuntzan, materialgintzan eta ikasleen ezagutza eta erabileran ahalegin handiak eta aurrerapen itzelak egin dituzte EAEko ikastetxeek.

Egindako urratsak sendotzeko eta ikastetxe-mailako hizkuntza-normalizazioa ahalbidetzeko Plan osatu bat abian jartzeko beharra ikusi da. Plan horrek gauzatu diren proiektu partzialak bildu ez ezik, hizkuntza-komunitatea osatzen duten gainerako partaide helduen (irakasle, guraso, monitore…) arteko harreman-bizitzan eragile izan nahi du.

Plan osatu horrek ikastetxean euskarak duen errealitatea aztertzetik abiatu behar du. Horretan oinarrituz finkatuko dira hurrengo urteetarako norabide eta helburuak, betiere kideen arteko adostasunez eta behar diren neurri zein baliabideak eskainiz. Ahalegin horretan ari dira Ulibarri programan bildutako ikastetxe guztiak beren Hizkuntza Normalizazioko proiektuen bidez.

Informazio gehiago

"Orotariko programa eta ekimenetan parte hartzen dugu: nazio mailakoak, estatu mailakoak, nazioartekoak..."

URRATS BAT

Enpresa bat sortzea ez da batere lan erraza; horren jakitun, Lanbide Heziketako Sailburuordetzatik bultzatutako Urratsbat proiektuaren partaide da Miguel Altuna, non enpresa-haztegi bihurtu nahi duen. Programan parte hartzen duten proiektuek hala eskatzen dutenean, programako partaideek beste instalazio batzuk ere erabil ditzakete, hala nola azterketa-fasean dauden prototipoak egiteko tailerrak.

Proiektu hori zabalik dago Miguel Altunako  ikasleentzat zein ikasle ohientzat edo urruneko prestakuntzako ikastaroak zein prestakuntza ofizialaz kanpokoak ikastetxe horren bitartez egin dituen edozeinentzat.

Urratsbat programak honako hauek eskaintzen ditu:
Ikastetxe bakoitzean, prozesua abian den artean, une oro sustatzaileari laguntzeko prest egongo den programaren arduradun bat.
Ikastetxe bakoitzeko Ekintzailearen Bulego bat. Behar bezala hornituta egongo dira bulego horiek, enpresak sortzeko prozesuetan egin beharrekoak garatu ahal izateko.
Enpresa martxan jartzeko unean ikastetxeko ekipamendua erabiltzeko aukera (baldin eta ikastetxean horretarako aukera badago, eta hala egiteak klaseak ohiko eran ematea eragozten ez badu).
Ekintzaileari, bere negozio-ideia enpresa bihurtzea errazten dion aholkularitza-zerbitzu integrala.

ETHAZI: Etekin Handiko Zikloak

2017-2018 ikasturtetik, ziklo guztiak eredu horren azpian lantzen ari gara Bergarako Miguel Altuna Lanbide Heziketan.

Ikaskuntza-eredu guztia ERRONKETAN OINARRITUTAKO ELKARLANEKO IKASKUNTZAREN inguruan antolatzen da; hori da elementu nagusia.

Egoera problematiko bat proposatzen da, egoera hori erronka bihurtzen da, eta prozesu osoa elementu hauetan antolatutzen da emaitza bat lortu arte

Lan-proposamen hori ez dator bat egiturazko ereduarekin; ordutegiek, ebaluazioek, ikasgelaren konfigurazioak eta antzeko elementuek, egungo formatuan, baliozkoak izateari utzi zioten, eta berriz pentsatu eta berriz definitu genituen.

 

TK-GUNE

Miguel Altuna LHIIan TKgune Fabrikazioan parte hartzen dugu LHko beste ikastetxe batzuekin sarean, eta fabrikazio aurreratuko zerbitzu teknologikoak garatzen ditugu. ETE-entzat zerbitzuak gauzatzera bideratu ditugu Miguel Altunako ezagutzak eta instalazioak. ETE-etan berrikuntza bultzatzeko, haien esku jartzen ditugu Lanbide Heziketako ikastetxeen sarearen ezagutzak, baliabideak eta instalazioak, eta zerbitzu teknologikoak eskaintzen dizkiegu.

www.tkgune.eus

NODOAK

Ardatza erkidegoko enpresa traktoreetan eta begirada haiei sortzen zaizkien erronkek berekin dakartzaten geroko premietan jarrita, behar diren gaitasun bereizgarriak lehenesten dira nodoetatik.
Horretarako, Euskadiko erreferentzia-enpresekin koordinazioan aritzen gara, hots, gaitasun horiek identifikatzen laguntzen digutenekin, eta garatu behar diren ekimenak eta proiektuak planteatzen ditugu.
Miguel Altuna Fabrikazio aurreratuko partaide da.

LH DUALA

Prestakuntza-ikastetxean eta enpresan garatzen den ikaskuntza- prozesua. Ikasleak ikastetxean klaseak jasotzen ditu, eta, aldi berean, enpresan prestatu eta ikasteko kontratu bat du eta soldata bat jasotzen du.

Informazio guztia eta beharrezko dokumentazioa biltzen duen gida HEMEN eskuratu dezakezu.

IKASENPRESA

IKASENPRESA programa ikasgeletan eskola-enpresak sortzearen inguruan garatzen den hezkuntza-programa bat da. Proiektu horren helburuen artean dago enpresaren mundua ikasgeletara hurbiltzea eta gaitasun ekintzaileen garapena sustatzea (sormena, berrikuntza, talde-lana, erabakiak hartzea, ekimena, lidergoa, konpromisoa, irmotasuna, negoziazioa eta abar). Gainera, beste kultura eta gizarte-errealitate batzuetara hurbildu nahi da ikaslea, eta ikastetxeen arteko elkarlana sustatu nahi da.

IKASENPRESA programak hezkuntza-testuinguru berritzailea sortuko du, eta ikaskuntza-metodologia bereziki praktikoa erabiliko du. Programak teknologia berrien erabilera hartuko du aintzat (posta elektronikoa, bideokonferentzia, atzerriko hizkuntzen erabilera eta abar), gaur egungo informazioaren gizartean ezinbesteko lan-tresnak eta komunikazio-tresnak baitira.

NAZIOARTEKOTZA

Garai berriei erantzun asmoz, gure proiektuak mugaz gaindi zabaltzeko beharra ikusi genuen. Joan dira urte batzuk ibilbide hau hasi genuenetik eta esan dezakegu interesgarria izateaz gain emankorra ere izan dela egindako bidea.

Hain zuzen ere 2008an hasi ginen nazioartekotzaren esparru hau jorratzen Maiatz-Simulform izeneko proiektuarekin eta ondoren etorri ziren, COOP-PBL- IN VET, Fem Forging, Know 3D tech, eBridge 2 VET Mobility, EntraiMo edo eta DOST bezalako proiektuak, hauetako lautan koordinatzaile papera jokatu dugularik.

Bukatutako zazpi proiektu hauetaz gain, egun, Engender eta Vetriangle dira martxan dauzkagun nazioarte mailako proiektuetako bi eta orain arte jasotako uztak, aurrerantzean ere gisa honetako proiektuetan parte hartzeko erabaki irmoa hartzera eraman gaitu.

Izan ere, argi ikusi baitugu, nola irakasleen prestakuntzan, hala ikasleen ikaskuntza prozesuan, proiektu hauetan gureganatutako jakintzak txertatzeak eragin handia duela eta hori gutxi balitz gurekin harreman estua duten bailarako enpresek ere etekina atera dezaketela erakutsi digu orain arteko esperientziak.