Azken urteotan, STEAM alorretan (zientzia, teknologia, ingeniaritza, matematika, artea eta humanitateei erreferentzia egiten die ingelerazko akronimoak) genero berdintasuna sustatzeko hainbat pausu ematen ari gara bai gizartera eta bai inguruko enpresetara begira, eta oraingoan, gai honen inguruan sentsibilizatzeko on-line saioak antolatu ditugu Miguel Altunak eta LHL elkarteak Bergarako Udalaren eta Gipuzkoako Foru Aldundiaren laguntzarekin.
Zergatik? STEAM ikasketetan emakumeen presentzia handitu nahi dugulako. Horretarako, beharrezkoa iruditzen zaigu emakumeentzat onuragarriagoak diren heziketa inguruneak eta inguru profesionala eratzea, non emakumeen ezaugarriak eta ekarpenak baloratuko diren eta baita, beraien lana eta ikasle nahiz profesional gisa dituzten ahalmenak ere.
Horregatik, ezinbestekoa iruditzen zaigu heziketa zentroetan eta familietan genero estereotipoak aldatzea, STEAM arloetako ikasketei eta lanbideei dagokienez.
- Miguel Altuna Lanbide Heziketan genero berdintasunaren lanketa. Euskaraz.
- Familiei zuzenduriko webinarra: Silvia Muriel Gómez. Berdintasun aholkularia. Gazteleraz.
- Hezkuntzako langileei zuzenduriko webinarra: Iraitz Agirre Aranguren. Berdintasun aholkularia. Euskaraz.