Unai Ziarsolok, Miguel Altunaren nazioarteko proiektuen arduradunak, Ikerketa eta Berrikuntza Aplikatuko Kidetasun Taldeak antolatutako “Ikerketa eta Berrikuntza Aplikatua” tailerrean parte hartzen ari da WFCP- ek (World Federation of Colleges and Polytechnics) Kanadako Montreal hirian apirilaren 23 eta 24rako antolatu duen kongresuan.
Kongresu honetako partaideek beren erakundeek egindako ikerketa aplikatuko proiektuen emaitzak eta lorpenak partekatzen dituzte, baita ikerketa aplikatuarekin eta berrikuntzarekin lotutako jardunbide eredugarriak ere.
Hori dela eta, Unai Ziarsolok, Tknikak gidatzen duen Euskadiko Lanbide Heziketako berrikuntza aplikatu sistemaren azalpena eta Miguel Altuna Lanbide Heziketako berrikuntza aplikatuko adibide bat (caliper pin posterra) eta LCAMPen, Miguel Altunak gidatzen duen Collaborative Learning Factorieseko beste poster bat aurkeztuko ditu. Horretaz gain, ikerketa eta berrikuntza aplikatuan nazioarteko lankidetzak duen garrantzia nabarmendu du, baita praktika-komunitateak eremu horretako esperientziak eta ezagutzak partekatzeko duen balioa ere.
“Ikerketa eta Berrikuntza Aplikatua” tailerra eztabaidarako eta ikerketa aplikatuko praktika eredugarriak partekatzeko gunea da, bai eta erakundeen eta alor horretako profesionalen arteko lankidetza sustatzeko ere. Unai Ziarsolok tailer honetan parte hartu izanak agerian uzten du Miguel Altunak ikerketa eta berrikuntza aplikatuarekin duen konpromisoa eta esparru horretan nazioarteko komunitatearekin lankidetzan aritzeko duen interesa.
